مصلحتك اولا


مصلحتك اولا  .. اه و النيعمة!         

سؤال يتكرر على مسامعى كلما تحدثت مع احدهم عن الثورة ! “هو انت لو اتقتلتى بقى هتبقى استفدتى ايه من الثورة بتاعتك؟”

لماذا دائما المصلحة تطغى على افكارنا؟ لماذا لا نحب لاخواننا ما نحب لانفسنا؟ لماذا لا نعمل للاخرين؟ لماذا دائما ما نظن ان الانسان يجب ان يعمل من اجل مصلحته هو فقط و لا  احد غيره؟ الا نعلم بأن هذا التفكير المتخلف هو ما اوصلنا الى ما نحن فيه؟

ليه نزلنا التحرير تانى “ماخوذة من مدونة شادى “كلمات

بتسأل ليه نزلنا التحرير تاني؟

عشان حاجات كتير اهمها ان الفجور والظلم رجع تاني اوسخ ما كان..اوسخ من ايام مبارك كمان..ولا كاننا عملنا حاجه

بتسأل ليه نزلنا التحرير تاني؟

عشان ثورتنا لسه مخلصتش..ومبارك قاعد في قصر..ووراه رجالته بيحكموا مصر وحامينه وحامين فساده..وبينتقموا مننا

بتسأل ليه نزلنا التحرير تاني؟

عشان طول ما معاهم ماسبيرو والاعلام..وكلاب الشرطه..والنائب العام والقضا..عمر ما هتحصل انتخابات نضيفه في مصر

بتسأل ليه نزلنا التحرير تاني؟

عشان الي ماتوا شهداء..دمهم ميضيعش..والي اتصابوا .. مستقبلهم ميضعش..والي اتسجنوا عسكري..تضحيتهم يبقى ليها معنى

بتسأل ليه نزلنا التحرير تاني؟

عشان احنا عملنا ثورة..ومش هنسيبها تضيع ولا تموت..ولا غيرنا يركب عليها..ولا التاريخ يشتم فينا..ثورتنا لازم تكمل

بتسأل ليه نزلنا التحرير تاني؟

عشان ربنا قال..فرعون وهامان وجنودهما..واذا كان الفرعون مستخبي حاليا..هامان و الجنود لسه حاكمين مصر

بتسأل ليه نزلنا التحرير تاني؟

عشان البلد دي لازم تنضف..بالذوق بالعافيه هتنضف..والي هيقف في وش التغيير..هيترمي في صفايح الزباله..مع الزباله

بتسأل ليه نزلنا التحرير تاني؟

عشان لازم نكون هناك..لغاية ما الثورة تنجح..يا تكون معانا وتشارك في النجاح..يا تقعد في بيتكم تتفرج..اختار انت

شفتوا يعنى مش كل الاسباب فقط لمصلحتى وحدى و لكن لمصلحة امة على وشك الانهيار و لن ينقذها الا شعبها اذا علم انه قلب واحد وشخص واحد وبلاش ايد واحدة عشان الناس بتتسائم منها

 و دى بالمناسبة حاجة اتعلمتها من الثورة من ضمن حاجات كتير اتعلمتها يعنى الخلاصة ان  الموضوع مش موضوع “مصلحتك اولا” ولكن مصلحة شعب اولا:D

http://shady.al-mahmoudi.com/?p=1795   و دى تدوينة شادى

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s