الحلقة التانية: من الافكار العبقرية لاخلاء الميدان


المكان: صباح خارجى فى ميكروباص

الشخصيات: سواق و سواق تانى صاحبه وانا طبعا بس انا كنت مستمعة بس فى الحقيقة

السواق 1: يا جدع دول عالم صيع و بلطجية مبيجوش غير بالجزمة

السواق 2: اه والهى عندك حق

السواق1: الشرطة من حقهم يسحاوهم دول عايزين يسرقوا و يخربوا و بس

السواق2: بيقولك ده طلعوا شوية بلطجية على واحد كان بيسحب فلوس من الكريدت بتاعه و خدوه فى حتة بعيدة و ضربوه فى رجله ده خد 24 غرزة من جوة و 24 من برة

انا “تعليق فى دماغى”: يا بن الايه يا لذينا سحب فلوس بالكريدت؟ عملها ازاى دى؟ لا و كمان 24 غرزة من بره و 24 من جوة ده ايه ده؟ دى رجل و لا تنجيد كنبة

سواق1 : والهى لو عايزين العيال دى تتلم انا عندى فكرة جهنمية يا جدع

السواق2: قلى يا فنان

السواق 1: بيبعته طيارة تدكلهم الميدان اللى يموت يموت و اللى يعيش يعيش .. و النعمة لو عملوا كدة مفيش كلب هيهوب ناحية الميدا تانى

السواق2: ايه يا جدع دة دى دماغك دى توزن بلد

انا بصراحة كان نفسى اقوله : دى دماغ دى و لا فردة جزمة

بس كدة اشوفكم الحلقة الجاية انشاءالله

الحلقة الاولى :  http://wp.me/p20vCP-i

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s