اتعلموها بقى .. ولا تعليم النظام الفاسد افسد عقولنا


اولا يصدر خبر يقول عدم صدور اى اوامر من شرف اللى هو كان رئيس الوزراء لوزارة الداخلية اللى كانت بقيادة العيسوى بفض الاعتصام بالقوة

طيب ادينى عقلك يا سيدى .. انا رئيس وزرا مدتش اوامر باطلاق النار يبقى فى مشكلة اكيد وزير الداخلية اتصرف من دماغه و دى حاجة هو يتحاسب عليها و طبعا ان رئاسة الوزارة تسكت كل المدة دى حاجة تتحاسب عليها رئاسة الوزراء و ممكن تقولى اصل وزير الداخلية مكنش يعرف او مداش اوامر؟ يبقى اكيد فى قيادات بتتصرف من دماغها و لازم يحاسبوا و لو هو ميعرفش و فضل ساكت يبقى برضه لازم يتحاسب يعنى من الاخر كدة يتحاسبوا يا يقولوا بقه مين اللى وراهم و مين اللى داهم اوامر لان كدة هما راشقين راشقين و هيتحاسبوا سواء الان او بعد اكمال الثورة هيتحاسبوا يبقى محدش هيتساب و بعدين نفس السيناريو و يقولك مبارك مدناش اوامر اومال كنتم يتتفزلكوا يا روح امكو؟ و بعدين بقا ايه يمر 6 ايام و ناس تموت و ناس تضرب و ناس تفقد عينها و بعدين تطلع تصريحات يقولك احنا مبنضربش خرطوش و لا رصاص ولا مطاطى على اساس ان دكل الاصابات دى بيبى تنين بينزل عليهم من فوق ..! عالم مش طبيعيييين و يقولك مدناش اوامر يعنى دايما بتوع الشرطة دول ولاد ستين تيييت و هما اللى بيبدأوا الضرب من غير سبب و احنا ايه يا عينى بنصدق مع ان الليلة دى مهروسة فى ميت فيلم قبل كدة اخرهم يناير اللى فات و بعدين يطلع المشير بعد ما فى 40 شهيد يقول كلام غريب بنفس الصيغة بتاعت مبارك و بالنسبة للتهديد اللى بين السطور اللى كان فى خطاب مبارك قاله هو بطريقة تانية و لواءاته كانوا بيطلعوا على التلفزيون و يكملوا التهديد و اللى يقولك “ انتوا مش بتشوفوا سوريا و لا ايه  .. اظاهر احنا طلعنا جيش طيب “ بالذمة ده كلام لواء محترم؟ و فى تحت فيديو مقارنة بين الخطابين و بعدين يطلع انهاردة قرار بتشكيل حكومة جديدة برئاسة الجنزورى مع كل احترامى او مش كله اوى زى ما بيقولوا هما بس المطلوب مننا نقووول هيييييييييه زى ما عملنا مع عصام شرف و بعدين يدونا اجدع قفا و ايه فى ناس بتصدقه ..و بعد ما يطلع المشير بيوم الصبح نلاقى مجزرة نفس السيناريو بل اعتقد نفس الاشخاص و لكن باسماء اخرى و تصريحات و رسائل مستفزةصدرونها عن طريق الفيسبوك و يقولك فى مظاهرا تاييد المجلس بكرة و كلام كتير فارغ يعنى بصراحة انا معنديش اكتر من كدة و هسيبكوا انتم تحكموا .. انا بيتهيألى بعد ما الثورة تنجح باذن الله نشيل اسم وزارة الداخلية و نسميها مؤسسة قطونيل و نعمل مؤسسة جديدة بقى للداخلية بس بعناصرها المحترمة و نشوفلها اسم تانى .. اه و متنسوش نبرة اما انا او الفوضى و نفس سيناريوهات ان اللى فى التحرير دول ممولين او اجانب ها؟ فاكرين عمرو مصطفى؟

بس السؤال بقى هو احنا ليه مش بنتعلم ولا هما بيتعلموا؟ هل ده راجع لان التعليم طول السنين اللى فاتت كان بايظ و بيبوظ دماغنا فمبقناش قادرين نربط الاحداث و نحلل اللى بيحصل ام لاننا شعب طيب و نعتمد على القول ” اللى فات مات” و سريعا بننساه فهما بيستغلوا النقطة دى عشان فاهمين ان احنا خلاص نسينا؟

    

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s