يا ترى خايف من ايه يا جنزورى؟ يا ترى بتجهزوا لايه يا عسكر؟


حلقة جديدة من صراعنا مع العسكر

قالك ايه بقى يا سيدى ان الجنزورى مش هيعلن اسم وزير الداخلية غير يوم حلف اليمين .. ليه بقى يا عم الحج قالك لدواعى امنية امممم دواعى امنية؟ يبقى اكيد عارفين ان احنا هنعترض و هنقلب الدنيا و الا مكانوش خبوا و لا هما ماشيين بطريقة ” دراى على شمعتك تتنيل تقيد” يعنى لما انتوا عارفين اننا هنزعل بتعملوها ليه من الاول يا ولاد ستين فى سبعين و لا انتوا غاويين مشاكل ولا مثلا لا سمح الله مستخسرين ال 7 طن غاز مسي للدموع اللى استوردتوهم فقولتوا تنتهزوا الفرصة و تستفزونا عشان نهيج و تطلقوا علينا كلابكم .. كلاب؟ ايون كلاب و لا اندم على اى كلمة قلتها

الحاجة التانية بقى رفض الطعن فى قضية علاء عبدالفتاح و دى حاجة انا مش هتكلم فيها عشان زهقت معنديش غير #FreeAlaa #NoMiltrials #NoSCAF

شايفين فى عز الازمة بيبتسم عشان كدة هما خايفين يطلعوه عشان عارفين انه مهم جدا فى المرحلة دى و له دور مؤثر ابتسامة رجعت الامل لكتير مننا و اولهم انا

الثورة و اللى عاملها و اللى حماها

لدى شعور غريب بأن العسكر يقومون بتصفية الشباب الذين يشعلون حماس الثورة و الثوريين و كانت البداية علاء و مايكل  .. لماذا؟

لانهم يريدون ان تنام الثورة و تنطفأ شعلة الحماس فى دولة نامت لعشرات السنين فلما استفاقت ارادوا ان يقتلوا شبابها كى تنام مرة اخرى و هذا هو السيناريو المنتظر لو استمر الحال بهذه الطريقة و لو استمر العسكر فى سياساته القذرة و تنويمه المغناطيسى للشعب حتى يعود الوحش الى الثبات كما السابق و ستذهب الثورة الى الجحيم و مزبلة التاريخ و تطلق عليها ” ثورة البلطجية” و لكن هيهات عندى امل كبير ان الوحش لن ينام فقد حان الوقت لتستفيق مصر

  الكلام بقى ده كله ليس المشكلة .. المشكلة ان الجنزورى بيقولك استنا عليا شهرين و لو محستوش بالتغيير التحرير موجود .. الكلام دة بيفكركوا بمين؟ مين؟ مش سامعة؟ عمو شرف اللى ملى البلد قرف و بعدين لما رجعنا اتضربنا ..  غبى انا بقى غبى عشان ءامنلكوا تانى؟ انا قوتنا و احنا مع بعض مجرد ما الواحد من دول يخرج من التحرير بيتمسك و محدش بيعرف له طريق جرة لكن طول ما احنا مع بعض و بندافع عن بعض بنفضل اقويا و لا نقهر و هى دى حلاوتنا و احنا كلنا متجمعين لكن حلنى بقى شهرين و تيجى ترجع مش هتلاقى حد يرجع لانهم كلهم هيكونوا فى حضرة امن الدولة و محدش يقولى مفيش امن دولة يبقى معلش بقى انت نايم على ودانك و لو لقيت حد ينزل مش بعيد متلاقيش حاجة اسمها تحرير اصلا

  هو ده كل اللى عندى و اللى عنده كلام تانى يا ريت يقولى!

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s