انواع لا يجدى الحديث معها نفعا


خلال الكام شهر اللى فاتوا قابلت ناس كتير اوى مش بتتفرج غير على القناة الاولى و الفراعين و دول بتعرفهم لانك بتلاقيهم دايما بيولولوا على حال البلد و الاقتصاد و خايفين الدولة تسقط و خايفين الجيش بطنوا توجعوا و يقعد فى السرير و اسرائيل تيجى تمرمطنا الناس دى انا كنت بحاول اتكلم معاهم و افهمهم اللى بيحصل و اوصلهم صوتنا لكن فى الحقيقة كان فى عدد كبير لا يستجييب و بدأت افقد طاقتى على الكلام و مبقتش عايزة اناقش حد فى اى حاجة فقلت احلل الناس دى و نشوف بقى مين اللى بيفكر فى الكلام و ممكن يقتنع و مين اللى بياخد الكلام من هنا يطلعه من هنا و حطلكوا بقى الانواع اللى متتعبوش نفسكم معاها لانها مش هتفكر حتى فى اللى بتقولوه و هتستهلك كل طاقتكم اللى كان ممكن تستغلوها مع ناس تانية بتفهم

1- الشخص اللى كل ما تكلمه يقولك انت عندك كام سنة؟ الشخص ده اقطع معاه لانه مش هيفهم و لا هيفكر عشان شايف انك اصغر منه و بيتعالى عليك و مش عيل صغير اللى هو اللى هيناقشنى

2- النوع اللى شايف ان الثورة فوضى و ان الناس دى بلطجية و دايما يقولك يستاهلوا دول بلطجية

3- النوع ده بقى بيكون مش عارف حاجة  و فتاى و خلاص و يقعد يقولك هى العيال دى عايزة ايه؟ و اول ما تختبره فى معلوماته السياسية بيسقط و بتكتشف انه مش فاهم حاجة و عايز يرغى و خلاص

4- و ده نوع بيحب العسكر حب شديد و يقولك انت بتكرة العسكر ليه لما تديله  صور او تفرجه على فيديوهات يرفض و يقولك انا مش عايز حد يشوهلى الصورة اللى فى دماغى

الانواع دى لما تتكلم معاهم انجز و متتعبش نفسك معاهم عشان يبقى فيك نفس تكلم ناس تانية لانك هييجى عليك و قت هتكره الكلام بس كدة و شكرا

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s