خير أجناد الأرض! من هم؟


بما اننا انهاردة 25 و انا منزلتش بناءً على رغبة الاسرة بس مش هكدب عليكم انا زعلانة بس فى نفس الوقت 25 له طعم تانى غير اى يوم حاسة بنشوى ..نشوى دى تبقى خالتك؟ عالعموم انا ملقيتش حاجة اعملها غير انى اجمع صور للاحداث او اكتب حاجة و لاحظت من خلال تعاملى مع البشر انهم خايفين ان يكون فى اشتباكات بين الثوار و الجيش اللى هما خير اجناد الارض فى الحقيقة لو تحبوا تسمعوا وجهة نظرى انا شايفة ان الثوار المصريين هما خير اجناد الارض تعالوا كدة نبص على نص الحديث و بعدين نتكلم

( إذا فتح الله عليكم مصر فاتخذوا فيها جندا كثيرا ً ،

فذلك الجند خير أجناد الأرض ، فقال له أبو بكر: ولم يارسول الله ؟

قال: لأنهم وأزواجهم في رباط إلى يوم ِ القيامة

قريت ان الحديث ضعيف و كذا حد بيقولوا كدة بس مفيش حد مننا يقدر يجزم بأى حاجة لان واضح اوى ان مصر فيها عظمة غريبة جدا من زماان من اول الطفل المصرى اذكى طفل بس خلينا نكون موضوعيين و نحط الحديث فى عين الاعتبار لان الناس مش بتعترف بحاجة اسمها حديث ضعيف و هيكفروك اذا مكانوش كفروك من زمان اصلا عموما هو هنا قال جند مقالش جيش صح؟ طالما احنا بناخد بكل حاجة من على السطح الجند دة ممكن يعنى اى حاجة العمال مثلا ما هما جند , العلماء دول جند اى خحد بيعمل على رفعة الوطن جند هو الجيش يبقى خير اجناد الارض امتى؟ يوم ما يكونوا بيسعوا الى رفعة الوطن يعنى لما يكون فى حرب و يدافع عنى يوم ما يقف فى وش حاكم جائر عشانى لكن انه يضربنى و يقتلنى و يهتك عرضى و انا اقول عليه خير اجناد الارض و مصمم و لاقول الرسول قال يبقى انا مبفكرش حتى فى اللى انا بقوله لما الجيش دة جنوده تخضع لاوامر حاكم فاسد بلطجى و يموت الاف و يهتك عرضهم و يصيب الاف تانية لمجرد انه خايف يتحاكم لو كسر اوامر قائده يبقى مقدرش اقول عليه خبير اجناد الارض لما يبقى عسكرى و لا ضابط شاب و يضرب واحدة اد امه و يعرى بنت زى اخته ازاى اقول عليه خير اجناد الارض خير اجناد الارض دول اللى بيحاربوا الظلم ايا كان شكل الظلم دة و بيصبحوا خير اجناد الارض ايا كان شكلهم يعنى مش لازم يبقى لابس بدلة كاكى و بيادة لا عادى جدا يبقى لابس قناع بانديتا و تيشيرت و بنطلون عادى جدا يكون لابس بلطو ابيض و بينجد المصابين عادى جدا يكون لابس قفطان و شيخ ازهر عادى جدا يكون طالب وبيلبس لبس مدرسة اه و بالمناسبة عادى جدا يكون شكله بلطجى فياريت مش كل حاجة نربطها بالشكل يا ريت نبص لما هو ابعد من المظاهر انا عارفة ان فى كتير مش هيوافق على اللى بقوله يمكن عشان انا مش موضحة كل حاجة تثبت ان خير اجناد الارض مش هما الجيش لواحده بس انا مش بحب الكلام الكتير لان اللى بيقرا بيزهق بسهولة و انا مش بحب ازهق حد و على فكرة انا الكلام اللى بقوله دة مش معناه ان الجيش مفيهوش خير اجناد الارض لا هو اكيد في بس انا بتكلم ان احنا منحجرش عالحديث و نخليه كأنه منزل عالجيش بس والله هو دة اللى عندى و اللى مش عاجبه الكلام يا يكتب كومنت يقول فيه رايه باحترام يا يتفضل يقفل الصفحه باحترام برضو

 

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s