سرقة آثار و آثار و آثار , و الحل!


كل يوم نلاقى خبر فى الشريط الاحمر دة بتاع الاخبار عالقناة الاولى عن احباط محاولة لتهريب الاثار و دة ان دل على شئ يبقى اكيد يدل على التقصير و الاهمال فى الموانى و المطارات اللى يخلى المهربين يتجرأوا لانه اكيد مش هيخرج حاجة زى دى غير لو متأكد عالاقل 70% العملية هتعدى خصوصا لما تلاقى الخبر بيقولك محاولة لتهريب 700 قطعة اثار ! يعنى ايه؟ لوكشة واحدة كدة؟ اكيد مكنش خارج بيهم فى جيبه يعنى دة اكيد كمية و خارجين فى حاجة كبيرة انا عارفة ان فى ناس هتقولى ما هو مش خارج بتمثال رمسيس اكيد قطع صغيرة ماشى يا ريس ادينى عقلك انت لو جبت ورق و كتبت على كل ورقة رقم لحد 700هتلاقيهم عدد يعنى مش هتحطه فى جيبك و تمشى فاكيد المهرب دة يإما متأكد انه هيرشى حد و هيخرج له الحاجة يإما متأكد ا فى تَسيُب و تقصير و الحاجة هتخرج من غير اى مشكلة و بعيدا بقى عن اى سياسة و كلام من دة عشان انا تعبت انا لقيت حل لمشكلة زى دى اكيد اللى سرق الاثار دى من مكان فى كمية كبيرة جدا لدرجة انه محدش لاحظ اختفائهم غير لو تم جرد الاثار دى
الحل للمشكلة دى من وجهة نظرى ان الاثار دى تتجاب و تتفرز و نشوف اد ايه منها متكرر و مش بيتعرض و بيفضل مركون فى المخازن و يتم التعاقد مع الدول الاخرى و الدول دى تعمل متحف عندها و يسمى بالمتحف المصرى يبقى مخصوص بس بالاثار المصرية و الحكومة المصرية تسلم الاثار اللى هتتعرض فى المتاحف دى للجهات المختصة فى الدولة دى و من جهة الدولة دى هتبقى مسئوله عن الاثار و اى حاجة هتختفى هيتحملوا هما المسئولية و هيدفعوا ملايين بقى على حسب التعاقدات اللى تمت و من جهة تانية ايرادات المتحف دة الدولة ليها فى نسبة برضو النسبة دى تحددها التعاقدات لان انا مبفهمش فى الحاجات دى بس موما انا شايفة ان دة حل كويس لمشكلة زى دى و متقليش بقى كدة دة هيضرب لنا السياحة اقولك لا يا ريس اصلا اللى بييجى مش بييجى عشان حتتين الاثار دول هو بييجى عشان المعابد و الاهرام و كدة دة غير ان كدة كدة الاثار بتتسرق و بتوصلهم بطرق غير شرعية طب مانا اوديها بطريقة قانونية و استفيد انا كمان و مش كل المواطنين فى الدول التانية بيقدروا ييجوا يزوروا مصر فهتبقى حاجة كويسة جدا و فرصة حلوة اوى انهم يشوفوا الاثار دى و الحضارة الفرعونية و هما كأجانب هيتبسطوا :) و من وجهة نظرى دى حاجة هتنشط السياحة مش هتقتلها

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s