28/1/2011 يوم سقط خيرة شباب مصر


فى مثل هذا اليوم العام الماضى .. قضيت افضل ايام حياتى رغم عدد الشهداء و الجرحى الذين سقطوا امام عينى و لكن استنشقت نسيم الحرية

فى مثل هذا اليوم واجهنا الموت بدون اى رهبة و انسحبت الشرطة و تراجعت امام عينى و لم يجرأوا على مواجهة الجموع الحاشدة و كنا نهتف سلمية سلمية

فى مثل هذا اليوم انكسر عندى حاجز الخوف و رايت اجمل الشباب و اجدع شباب يتغلب على خوفه و يحتضن الموت .. رحمكم الله شهدائنا

فى مثل هذا اليوم نزلت الى الشارع مشاركة فى المظاهرات و كانت مرة من المرات القليلة جدا التى استطعت فيها بالنضمام للجموع و المشاركة لهذا سيكون يوما لن انساه طول حياتى و بمحض الصدفة كان هذا اليوم يوما لن تنساه مصر كلها

ف مثل هذا اليوم عرفنا جميعا معنى الحياة و كى نحياها ضحى غينا بعمره اعو الله ان يقدرنا ان نعيد حق هؤلاء و ادعوه ان يسكنهم فسيح جناته

زى النهاردة ناس كتير ماتت و اللى مماتش اتصاب بس انا مفيش فيا خدش معرفش ليه بسال نفسى ديما السؤال دة ليه انا متصبتش ليه انا ممتش؟ اشمعنى الناس دى تموت عشانى و اقول ياريتنى كنت مكانهم مادام انا مش عارفة اجيب حقهم

زى النهاردة السنة اللى فاتت كنت ماشية عينى بتدمع لوحدها مكنتش لسة شفت ضرب و لا اى اصابات لكن كان جوايا احساس غريب بس انى قدرت امشى فى المظاهرات مع انى كنت ممنوعة انى امشى فيها بس الصدفة حطتنى فى الموقف دة كان لوحده احساس رائع كنت مبسوطة انى شاركت لانى كنت عارفة انى ممكن مقدرش اشارك تانى و تكون دى المرة الاخيرة و الصدفة برضو خلتنى انزل يوم جمعة الغضب و بالصدفة امشى فى المظاهرات و بالصدفة 28 يناير دة يكون يوم مهم اوى يوم مش هتنساه مصر كان يوم من افضل ايام حياتى مع انى اول مرة اشوف ناس بتقع ادامى و اسمع صريخ و صوت طلقات بس دة ميمنعش ان فى حاجات كتير جوايا اتغيرت اليوم دة و خلال الثورة مقدرش انكر انى بقيت حد تانى بقيت حد بيفهم احسن و بيفكر احسن بقيت حد واعى اكتر و عارف اللى حواليه و فاهم كل اللى بيحصل ببساطة انا بقيت حد تانى

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s