أيثور الشعب الأعوج؟


تلك الكلمة الجارحة التى يلقيها على مسامعنا كل من هب و دب من المتحذلقين و اشباه المثقفين اولئك الذين يتشبهون بالثورجية و لكن حقيقة الامر انهم لا ثورجية و لا زفت هم فقط يريدون ان يبرروا لانفسهم وللناس افكارهم الديكتاتورية المستبدة بقولهم ان الشعب المصرى شعب همجى اعوج ميجيش غير بالجزمة ربما هناك بعض المصريين مبيجوش غير بالجزمة كأى شعب اخر هناك الخارجون عن القانون و هنالك آخرون مُحترمون حتى و لو ظهر الشعب و كأنه شعب خانع جبان لا يقدر على الرفض فكيف تلوم على شعب حكمه العسكرى مئات السنين منذ بداية حكم المماليك الذين كانو فى الاصل كالعبيد يشتريهم الايوبيين ليخدمو فى العسكرية و من ثحكموا هم البلاد بالقوة العسكرية و من هنا بدأت معانتنا و من بعدهم يأتى العثمانيون الذين هم بدورهم ايضا كان حلمهم التوسع مثل محمد على و تبقى مصر وشعبها هم الضحية ويتداول بعض ابناء اسرة محمد على الحككم ايضا و لا ننسى انهم كانوا جميعا رجالا عسكريين و بعدها يأتى بعض الضباط يقال عليهم الاحرار ليخلصوا مصر من الحكم الملكى ثم فجأة يتحولون الى منقضين على الحكم فتظل مصر تحت الحكم الملكى المستبد و لكنه مغلف بطبقة من الشيكولاتة المسماه بال “جمهورية” و العامل المشترك بالطبع هو الحكم العسكرى ذاك الشبح الذى يظل يلاحقنا حتى يومنا هذا حتى بعد قيامنا بثورة؟ تكمن المشكلة فى اننا شعب طيب و قلبه ابيض فينسى دائما ما استخدم ضده من اسلحة دمار شامل كالحروب الاعلامية و التشويه الخ لا اعرف ان كنا شعب طيب فننسى ام اننا نتناسى ..  اللى انا عايزة اقوله مش من الصح انى الوم شعب اتربى عالخوف و المشى جنب الحيط و عنده حق انه يخاف يعنى لما الشرطة تاخد اشخاص تقتلهم او تعذبهم امر عذاب و تنتهك عرض بنت و تقولى الناس مش المفروض تخاف لا من حقها تخاف لما تبقى عايشة عشرات السنين مذلولة و الحاكم بيكسر شوكتهم عشان محدش يكلمه لما بيصاريف التعليم و الدروس و الغربة لما يبقى الشباب مش لاقى شغل و تلاقى اطفال الشوارع ماليين البلد و الناس اللى مش لاقية تاكل و تقولى فى بلطجية و حرامية ما هما دول اتوجدوا ازاى؟ عشان ملقوش حد يقولهم عيب و حرام و فى نفس الوقت ملقوش ياكلوا و لا يتعلمو و لا يعيشو زى خلق الله و عشان بيبقو هما عايشين فى العشش و يلاقو فى الشارع اللى جنبهم الناس عايشة فى عماير فخمة و فلل وتقولى عندنا فى مصر حقد طبقى؟ يا سلام؟ لما يبقى كل يوم فى تفجير فى الكنائس و يتهموا فيها اسلاميين و يقبضوا عليهم و يحاكموهم بالفعل و تقولى الطائفية و العنصرية؟ يا راجل عيب على شنبك و يظل الشعب و الوطن هما الضحية و تيجى تقولى لازم قانون الطوارئ عشان يشكمهم و لازم امن الدولة عشان يعدلهم و لازم الشرطة تقل ادبها عالخلق عشان الناس تتأدب انت بتصرفاتك دى بتخلق شب غير سوى جيل ورا جيل و فى الاخر عايزه يطلع ايه؟ طياار؟ و بعدين هو الشعب الهمجى الاعوج بيثور اصلا؟ هتقولى دة الشباب هما اللى بدأوا الثورة هقولك و هما الشباب دول لامؤاخذة امريكان ما هم مصريين و لالا مساندة باقى الشعب مكنتش الثورة هتقوملها قومة و اكبر دليل الى احنا فيه دلوقتى ان بعد سنة من التغييب للشعب و التشويه للثورة و الثوار و الحرب الاعلامية القذرة فقدت الثورة اهم ما تملك و هو تعاطف الشارع معاها و عشان كدة احنا مشعارفين نمشى العسكر و لا عارفين ناخد منهم حق ولا باطل يبقى الشارع المصرى هو اللى قوم الثورة و هو اللى فايده ينهيها فأى متحذلق ييجى يقولى اصلا الشعب المصرى همجى و دى حاجة فى جيناته و انه شعب اعوج بيحب الفوضى هقوله حط لسانك فى بقك و انقلع من هنا و كفانا تنظير بقى عشان الانواع دى من الناس اللى بتنافق الحاكم الظالم و بتفهمه انه صح و ان الشعب دة ميجيش غير كدة هما اللى ضيعونا و صنعوا كل الفراعين و فى طريقهم لصنع فرعون اخر يتمثل فى الرئيس القادم ان لم يكفوا عن التطبيل و الكلام الفارغ الذى ليس له اى اساس من الصحة

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s